Arthro gilumsan sa RED-LAB

Nakatilaw og duha ka sunod-sunod nga kaparotan ang  Arthro  dihang gilumsan  kini sa RED-LAB Drinking Water sa Barangay Pasil Summer Basketball Tournament didto sa Pasil gym.

Si Freddie del Campo kinsa mikabya og 20 puntos maoy topscorer sa tanang magduduwa sa RED-LAB, kinsa nakabangon human ang Arthro mipahamtang kanila og 18-6 run sa ikatulong kuwarter.

Higpit nga depensa maoy yawi sa kadaugan sa RED-LAB nga maoy nakayawa-yawa sa tulo ka magduduwa sa Guardo kinsa nakahimo og daghang sipyat sa katapusang dos minutos sa duwa.

Ang torneyo gipasiugdahan sa Pasil Barangay Council ug sa  Sangguniang Kabataan uban sa suporta sa Uniherb Philippines ni businessman-sportsman Jonathan 'Atan' L. Guardo, ang tiggama sa Arthro, Heartvit, KidneyCare ug Diabet.