Christine, Amihan Bags nagsawo sa liderato
Gihatod nila ni Edwin Dejacto ug Joey Escalon ang Christine Traders ngadto sa 89-85 nga kadaugan batok sa Hero Commando Pistols, samtang mikulit na sab og laing daog ang Fag Machine Shop batok sa DJD Eng’g. sa iskor nga 96-84 atol sa second round sa Power Forty President’s Cup 2008 Summer League niadtong Martes sa gabii didto sa Inayawan Sports Complex.
Si Dejacto mibahog og 24 puntos, gisundan ni Escalon sa iyang 22 puntos ug Vez Eleguin mitampo og 17 puntos aron hatagan ang Christine og 5-2 nga baraha ug mitabla sa Amihan Bags sa liderato.
Si Nestor Javierto mihipos og 20 puntos aron pagpangu sa Hero Commando, samtang si Bobong Rosal miamot og 17 puntos ug si Peter Lalican mitampo og 15 puntos.
Nagbaguod og lukdo ang Pistons sa ilang 1-6 nga baraha ning sitwasyona
Si Gogo Fuentes mihakot og 25 puntos, samtang si Efren Mosqueda adunay 22 puntos aron sab pangulohan ang Fag Machine nga nagbitbit og 3-3 nga baraha.
Ang DJD Eng’g. nga adunay 3-4 nga baraha gipangulohan ni Carding Vernaiz sa iyang 26 puntos ug gisundan ni Wewe Cabrera sa iyang 25 puntos.
PUNTOS MATAG
Unang duwa:
Christine (89) -- Dejacto 24, Escalon 22, Eleguin 17, Dela Rama 9, Sabellano 4, Cayacap 2, Abalo 2, Bacalso 2
Hero Commando (85) -- Javierto 20, Rosal 17, Lalican 15, Cabañero 11, Navares 11, Ibones 8, Nacional 3
Ikaduhang duwa:
Fag Machine (96) --Fuentes 25, Mosqueda 22, Tabar 17, Abasolo 15, Cabrera 8, Ramil 3, Sabejon 2
DJD Eng’g. (84) -- Vernaiz 27, Cabrera 25, Abasolo 12, Abadejos 9, Balbanera 6, Nuñez 5
- Latest
- Trending
