SYC Day-as mibuntog sa Ulidamin

Gikalingawan sa SYC Day-as ang Ulidamin Nuggets ug ila kining gibuntog sa iskor nga 105-92 sa Inter-Sitio Summer  Sports Festival 2008  niadtong miaging gabii didto sa  Barangay Day-as, ning siyudad.

Grabe kahugot ang maong duwa ug ang duha ka koponan nag-iyahay lang sa pagpakita og diskarte hinungdan nga igo lang nakalabaw og dos puntos  ang SYC Day-as paghuman sa first quarter, 19-17.

Sa gipakitang kamangtas sa SYC Day-as ilang nainat ang labaw ngadto sa nuybe puntos, 45-35 apan dali ra kining nahilis ang maong labaw ug miabot na lang og singko puntos 71-66. Miabante ang labaw sa SYC ug  9 puntos sa iskor nga 45-36 sa ikatulong kuwarter.

Sa tuyo nga maangkon ang daog, ang SYC Day-as mibuhos sa ilang mga opensiba hangtod  nga nahurot ang oras  sa duwa ning maong kompetisyon nga gipasiugdahan sa Barangay Day-as  Sangguniang Kabataan (SK) nga gipangulohan ni Hon. Jeramaine Therese Puerto ug sa Barangay Council ubos sa liderato ni Brgy. Capt. Rey Elley Cañada uban sa pag-abag ni North District Congressman Raul del Mar.