Amihan Bags mi-ilog sa liderato

Nailog og balik sa Amihan Bags ang liderato pinaagi sa paglubong sa DJD Eng'g. sa iskor nga 86-69 sa second round Power Forty President's Cup Summer League 2008 didto sa Inayawan Sports Complex.

Tungod sa maong kadaugan, mibalik og katkat sa taas nga bahin sa liderato ang Amihan bitbit ang 5-2 nga baraha.

Ang idlas pa sa balinsayaw ug dangog pa sa bakasi nga si Michael Arias maoy nangu sa Amihan sa iyang 20 puntos, gisundan ni Domie Ozon sa iyang 19 puntos, sila si Melvin Layon ug Loloy Dejarme mitampo og 12 puntos matag usa.

Mi-iskor sab og 20 puntos si Carding Vernaiz aron pangulohan ang pilderong   DJD Eng’g. samtang sila si Islaw Gerali ug Wilbor Cabrera parehong miamot og 10 puntos.

 Sa sayo pa, naka-iskor na sab og daog ang UTASSCO dihang ilang na-upset ang Christine Traders sa iskor nga 75-70.

Sila si Atty. Flor Yosores ug si Alex Mercado milansang og 16 puntos matag usa aron pangulohan ang UTASSCO, gisundan ni Edgar Yu  sa iyang 13 puntos.

Samtang sila si Vez Eleguin ug Edwin Dejacto mao sab ang nangulo sa Christine nga miposte og 12 puntos matag usa.

Puntos matag usa

Unang duwa:

UTASSCO (75) -- Yosores 16, Mercado 16, Yu 13, Nacional 10, Lisondra 10, Romares 4, Reyes 4, Filosopo 2

Christine (70) -- Eleguin 12, Dejacto 12, Escalon 9, Dela Rama 9, Cejudo 8, Abasolo 6, Bacalso 5, Sabellano 2

Ikaduhang duwa:

Amihan Bags (86) -- Arias 20, Ozon 19, Layon 12, Dejarme 12, Rama 8, Yosores 6, Colinares 4
DJD Eng’g. (69) -- Vernaiz 20, Gerali 10, Cabrera 10, Abadejos 8, Dimitiman 8, Abasolo 7, Nuñez 4, Abatayo 2