Atan Guardo nagpabiling walay pilde sa Sambag I Summer League

Nagpabiling walay pilde sud sa tulo ka duwa  ang Atan Guardo human nila mabiktima ang Balangkapona sa iskor nga 93-80 sa seniors division sa 2008 Sambag I Summer Sports League basketball event didto sa Sambag I Sports Complex.

Ang Atan Guardo milabaw og sayes puntos, 36-30 paghuman sa unang kuwarter ug nabingat pa kini ngadto sa 10 puntos paghuman sa ikatulong kuwarter, 78-68.

Sa fourth quarter, ang Atan Guardo milupig sa pinuntosay batok sa Balangkapona, 15-12 ug   ila nga gikontrolar ang duwa aron paglansang sa ilang ikatulong sunod-sunod nga kadaugan.

Ang maong kompetisyon nga gipadagan sa Sambag I Barangay Council ubos sa liderato ni Brgy. Capt. Jerry L. Guardo uban sa pakig-alayon ni Atan Guardo sa Uniherb Philippines, usa sa nag-unang tig-apod-apod og food supplements sa nasud sama sa Arthro, Kidneycare, Heartvit ug Diabet. 

Puntos Matag Usa

Atan Guardo (93) -Tallo 26, J. Guardo 22, Ipong 15, Alvarado 8, Kasayan 7, Tampus 5

Balangkapona (80) - Bacalan 24, Gascon 20, Bacalla 18, Batoto 4, Sato 4

Quarterscores:

36-30, 60-55, 78-68, 93-80