Ang Atan Guardo miposte sa ilang ikaduhang sunod-sunod nga daog human gipilde ang Five L's, 92-85 sa basketball event sa 2008 Sambag I Summer Sports League didto sa Sambag I Sports Complex.
Lima ka players ang mitali og double figures lakip na ni team owner Atan Guardo kinsa miposa og 11 puntos.
Nabiyaan og dos puntos ang Atan Guardo sa halftime 34-36, apan mi-rally kini sa ikatulong kuwarter aron pag-ilog sa labaw, 66-63 dayon na sa kadaugan.
Ang summer sportsfest nga gipadagan sa Sambag I Barangay Council ni Brgy. Capt. Jerry L. Guardo, gipaluyohan sab sa Uniherb Phils., ang tig-apod-apod sa inilang food supplements sama sa Arthro, Kidneycare, Heartvit ug Diabet.
Puntos Matag Usa
Atan Guardo (92) - Sanchez 20, Tampus 20, Alvarado 13, Doroliat 12, Guardo 11, Cabrera 9, Lemana 5, Ipong 2
Five L's (85) - Garcia 32, Bador 20, Yuballos 13, Costanilla 10, Manoy 6, Jubay 4