Ang lungsod sa San Remigio uban sa abag sa Governor Gwen Garcia Unity Volleyball (GUV) Cup ug sa Cebu Volleyball Association (CEVA) mopahigayon og 1st San Remigio Beach Volley Open karong Mayo 10-11.
Ang kompetisyon limitado lamang ngadto sa 10 ka teams.
Sa pagka karon, walo na ka teams ang mipadayag sa ilang partisipasyon. Kini
mao ang University of
the Visayas (UV) nilang Jusabelle Brillo ug Janez Armie Igot, Southwestern University (SWU) nilang Florian Gutierrez ug
Janelle Tabio,University of Southern Philippines Foundation (USPF) nilang Erika Camille Verano ug Herlene Ybarita ug University of San Carlos (USC) nilang Jeremy Motalvo ug Juvy Glipo.
Mikompirmar sab sa
ilang pag-apil sila si Marites Natad ug Christine Rose Bohol sa Volleygals, Mechelle Matuguina ug Marissa Lagancia sa M2M, Kennette Garces ug Lorie Mae Layno sa Volleybelles ug Michelle Gemarino ug Desiree Vallar sa Atenians.
Matud pa ni CEVA President Glenn Soco nga kasagarang misalmot mga produkto sa GUV Cup.
Gawas sa mga tropeyo ug medalya, ang kampiyon makadawat og P5,000, ang second placer mobulsa og P3,000 ug ang third placer mobitbit og P2,000. Ang non-winners hatagan og consolation prizes.