1st Congressman Red Durano Mountainbike c'ships ilusad na

Ilusad na karong adlawa ang 1st Congressman Red Durano International Road and Mountainbike Championships sa alas-11:00 sa buntag diha sa Ila Puti sa IT Park sa barangay Lahug, ning siyudad.

Gikatakdang ipahigayon ang kompetisyon karong Mayo 3 ug 4 sa barangay Manlayag Patag sa dakbayan sa Danao.

Mga duwa nga kumbatihan ning duha ka adlaw nga kompetisyon mao ang cross country (7 km. loop), downhill (2.5 km.) ug ang road race nga

adunay gilay-on nga 130 kilometros.

Aduna kini registration fee nga P300 libre na ang t-shirt ug pack lunch atol sa adlaw sa lumba. Ang deadline sa registration hangtod lamang karong Abril 30.

Alang sa dugang kasayoran, kontaka lang ang  Danao City Sports Comission sa +6332-2001818 o e-mail [email protected].