UV, SWU, USPF mi-arangkada pagsugod sa Nestea Beach Volley Season 12

Gipakita  sa defending champion  University of the Visayas (UV) nga seryoso sila nga mapanalipdan ang ilang titulo pinaagi sa paglatos sa laing Cebu team University of Southern Philippines Foundation (USPF)  kagahapon sa Nestea Beach Volley Season 12 didto sa Boracay Island.

Sila si Janez Armie Igot ug Jusabelle Brillo sa UV midagmal nilang Erika Camille Verano ug Herlene Ybarita sa USPF, 21-11, 21-18.

“I was pretty much happy with their performance but we still need to strive hard in order to improve our games because the girls will be facing the top teams all over the country. I believe all the teams have really prepared for this sporting event,”  matud pa ni UV coach Raffy Briones.

Sa laing bahin, sila si Florianne Gutierrez ug Janelle Tabio sa Southwestern University (SWU) milansang sab og daog human gipukan ang Adamson University (AU) sud sa duha ka sets, 21-11, 26-16.

Sa men’s bracket, ang USPF nilang Jonrey ‘Air’ Sasing ug James Ryan Rivera nakalingkawas sa kulbahinam nga duwa batok nilang Emmanuel Marlon Luces ug Nark Sabusap sa University of St. La  Salle (USLS)-Bacolod, 8-21-, 21-12, 21-13.