Jeson Guardo milansang daog batok Power Joints
Gilihian sa Jeson Guardo ang ilang kampanya sa kampiyonato pinaagi sa pagkulit og 81-65 nga kadaugan batok sa Power Joints (Esprongklong) sa basketball event sa 2008 Sambag I Summer Sports League didto sa Barangay Sambag I Sports Complex.
Si Totong Villanueva mirehistro og game-high 23 puntos alang sa Jeson Guardo nga maoy mikontrolar sa kinatibuk-ang duwa.
Nakabentaha lang og dos puntos ang Jeson Guardo paghuman sa unang kuwarter, 19-17, apan miaginod kini og tubo hangtod nga miabot og 14 puntos ang labaw, 61-47 paghuman sa ikatulong kuwarter.
Gawas sa basketball, ang tinuig nga kalihukan nga gipasiugdahan sa Sambag I Barangay Council ubos sa liderato ni Barangay Captain Jerry L. Guardo naglatid sa duwang volleyball alang sa kababayen-an ug badminton.
PUNTOS MATAG
JESON GUARDO (81) -- T. Villanueva 23, Lastimoso 18, Facxiol 13, Villanueva 11, Borbon 6, Llagas 6,
POWER JOINTS (65) -- Cabrera 20, Abella 12, Gocotano 10, Mahusayo 10, Cabrera 5, Tiempo 4, Padillo 4
- Latest
- Trending
