4 ka teams magtinaktakay sa  2nd VAAA semis

Upat ka teams ang magtinaktakay karong adlawa sa crossover semifinals sa 2nd Visayas Amateur Athletic Association (VAAA) men's basketball tournament diha sa Cebu Coliseum.

Sa pasiunang duwa nga gikatakda sa alas 5:00 sa hapon, ang University of the Visayas (UV) Green Lancers makigharong batok sa University of San Carlos (USC) Warriors sa ilang "rematch" sa CESAFI finals sa miaging tuig.

Human sa pinaksitay tali sa UV Lancers ug USC Warriors, ang Asian College of Technology (ACT) Cyber Knights moharong batok sa Southwestern University (SWU) Cobras sa alas 6:30 sa gabii.

Ang mga mananaog maoy magsangka sa kampiyonato ugmang adlawa sa alas 6:30 sa gabii, samtang ang mga pildero magtige alang sa ikatulong puwesto sa alas 5:00 sa hapon sa diha gihapon sa Cebu Coliseum.