Christine misakmit sa liderato sa Power Forty
Daw sama sa usa ka samaran nga tigre ang gipakita nga duwa ni Edwin Dejacto kinsa mi-iskor og 33 puntos aron pagbaswat sa Christine Traders sa kadaugan batok sa Fag Machine Shop sa iskor nga 98-76 ug ingon man pagsakmit sa liderato sa nagpadayong Power Forty Summer League President’s Cup basketball tournament didto sa Inayawan Sports Complex.
Si Dejacto, ang head referee sa CESAFI, adunay 49 puntos sa iyang career nga iyang nakuha sa miaging tuig. Ang 33 puntos maoy ikaduha niyang labing daku nga puntos nga nahipos sa tinuig nga liga sa Inayawan.
Sa maong kadaugan, ang Christine mikatkat na sab sa taas nga bahin bitbit ang 4-1 nga baraha.
Si El Presidente Vestre Eleguin mitampo og 21 puntos alang sa Christine ug si Joey Escalon midugang og 20 puntos.
Ang Fag Machine gipangulohan ni Gogo Fuentes sa iyang 31 puntos, gisundan nilang Mario Tabar ug Efren Mosqueda nga adunay 15 puntos matag
Sa laing duwa, gilampurnas sab sa Amihan Bags ang UTASSCO Utility sa iskor nga 92-63.
Si Michael Arias mikimada og 20 puntos alang sa Amihan nga adunay 3-2 nga baraha, samtang sila si Lloy Dejarme ug Domie Ozon mi-iskor sab og double figures. Si Dejarme mipupo og 19 puntos ug si Ozon adunay 15 puntos. Ang UTASSCO nga nagbitbit og 3-3 nga baraha, gipangulohan ni Alex Mercado sa iyang 28 puntos.
Puntos matag
Unang duwa:
Christine (98) -- Dejacto 33, Eleguin 21, Escalon 20, Sabellano 8, Dacalos 8, Cejudo 4, Bacalso 2, Cayacap 2
Fag Machine (76) -- Fuentes 31, Tabar 15, Mosqueda 15, Villoga 12, Ramil 3
Ikaduhang duwa:
Amihan Bags (92) -- Arias 20, Dejarme 19, Ozon 15, Layon 13, Rama 12, Yosores 8, Colinares 4, Echavez 2
UTASSCO (63) -- Mercado 28, Moniva 16, Sillote 5, Filosopo 4, Romares 3, Labajo 3, Yu 2
- Latest
- Trending
