Rose Pharmacy chess fest sa SM
Gikatakdang mag-abot ang mga banggiitang chess players sa ipahigayong 2008 Rose Pharmacy Chess Tournament karong Abril 26 ug 27 diha sa SM City-Cebu Entertainment Plaza.
Dul-an sa P10,000 nga ganting salapi ang giandam sa open division ning duha ka adlaw nga kompetisyon nga mosubay og 7-round Swiss System format.
Ang kampiyon mobulsa og P3,000, ang second placer makadawat og P2,000 ug ang third placer makaangkon og P1,000.
Ang fourth makadawat og P600, ang mokapyot sa ikalima makaangkon og P400, samtang ang mopahiluna gikan sa ika-unom hangtod sa ika-10 nga dapit makadawat og P200 matag
Ang registration fee nagkantidad og P100.
Ang kompetisyon sa kiddies-juniors division mosugod sa alas-10:30 sa buntag sa Abril 27. Ang mohawod sa maong dibisyon makadawat og P500, ang second mobulsa og P300, ang third makaangkon og P200 ug ang fourth makadawat og P100. Ang entry fee nagkantidad og P40.
Unya sa Abril 27 sa alas-2:00 sa hapon, ang April edition sa binulan nga Cebu Executives and Professionals Chess Association (CEPCA) tournament sugdan sab sa mao gihapon nga binyu. Ang registration nagkantidad og P150.
- Latest
- Trending
