Pormal na nga mosikad ang Palarong Pambansa, usa sa labing gikahinaman nga multi-sporting events sa nasud karong hapon didto sa bag-ong Ramon V. Mitra Sports Complex.
Liboan ka mga atleta gikan sa nagkalain-laing dapit sa nasud ang magtigi ning usa ka semana nga kompetisyon sa elementary ug secondary divisions.
Magsambunot sila sa 15 ka sports disciplines sama sa archery, arnis, athletics, badminton, baseball, boxing, chess, gymnastics, football, softball, swimming, table tennis, taekwondo, sepak takraw ug volleyball.
Kasagaran sa mga duwa adto duwaon sa Ramon V. Mitra Sports Complex (RVMS), samtang ang ubang mga duwa adto ipahigayon sa Palawan State University, City Coliseum, TESDA grounds, Wescom Gym, Palawan National High School ug People's Amphitheater.
Si Department of Education (DepEd) Secretary Jesli Lapuz maoy mangulo sa opening ceremony uban ni Palawan Mayor Edward Hagedorn.
Si Philippine Sports Commission (PSC) Chairman William 'Butch' Ramirez dili sab makatambong sa opening. Si PSC Commissioner Eric Loretizo maoy morepresentar ni Ramirez.
Ang defending champion National Capital Region (NCR) mosugod pagpanalipod sa ilang dungog isip kampiyon ugma sa unang adlaw sa kumbati.