Gisugdan sa Western Wats-1 ug Teletech ang ilang kampanya alang sa titulo pinaagi sa pagposte og daog sa 2008 Inter-Call Center basketball tournament didto sa City Sports Club-Cebu gym.
Ang Western Wats-1 nagsandig sa ilang mainitong duwa sa nanghinapos sa duwa aron pagpukan sa Calltek 45-42.
Sa laing bahin, ang Teletech wala kaayo makasugat og dakung problema pag-angkon og 67-55 nga kadaugan batok sa iComm.
Ang Western Wats-1 milabaw og singko puntos, 29-24, apan gipa-iskor lang kini og kuwatro puntos sa ikatulong kuwarter nga nakahatag sa Calltek pag-apas ug pag-ilog sa labaw, 36-33 pagsugod sa final quarter.
Nalagsik og balik ang Western Wats-1 sa himalatyong oras sa duwa aron pag-ilog og balik sa labaw.
Dobleng selebrasyon ang nahakot sa Teletech dihang ang ilang pambato nga si Maria Dolores Dembrosi maoy gikoronahan isip "2008 Miss Inter-Call Center."
PUNTOS MATAG USA
Unang duwa:
Western Wats-1 (45) - Blanco 13, R. Tomakin 7, Poquita 7, C. Tomakin 4, Alonzo 4, Rivera 4, M. Gabotin 3, C. Gabotin 2, De la Cerna 2
Calltek (42) - Judilla 13, Paraguya 8, Holasca 6, Arroyo 4, Tamiok 4, Fernandez 4, Flores 3
Ikaduhang duwa:
Teletech (67) - Sultan 14, Odi 8, Laboga 8, Aliego 8, Biano 7, Bugtai 7, Garcia 4, Abornado 4, Clemente 4, Mata 2
Icomm (55) - Padernal 19, Villaroel 14, Marquez 13, Canada 6, Buenaventura 3, Godoy 2, Estrada 2