Nakadalawa ang Adamson laban sa Far Eastern U sa ikalawang sunod na playdate matapos ang 25-16, 25-12, 25-14 panalo upang manatiling malinis ang record sa Shakey’s V-League Season 5 saThe Arena sa San Juan.
Ang lahat ng ginawa ng Lady Falcons nang una nilang dimolisahin ang Tams, 25-17, 25-11, 25-22, dalawang araw na ang nakakaraan ay ginawa nila uli ngunit sa pagkakataong ito ay nagbida sina Rissa Laguilles at Jacqueline So sa pagtatala ng tig-13 at limang kills, ayon sa pagkakasunod
Nagpahinga si guest player Neriza Bautista, ang leading scorer ng Adamson na may average na 15-points sa limang games, at tumapos lamang siya ng eight points, kabilang ang tatlong service points.
Tumapos si Laguilles ng 15 points at lima kay So sa net at nagpamalas ng mahusay na court coverage ang kanilang mga kasama upang igupo ang FEU na tumalo sa kanila sa UAAP volleyball finals, sa loob lamang ng 58 minutes.
Tumatag sa liderato ang Adamson na may 6-panalo at lumapit sila sa outright semis berth at nalasap ng Tams ang ikalimang talo sa anim na laro sa ligang sponsored ng Shakey’s Pizza at inorganisa ng Sports Vision.
Nauna rito, umangat ang second placer na San Sebastian sa 5-1 via walkover win sa St. Benilde na napuwersang mag-forfeit ng laro dahil sa exams.