UV, SWU wala pay pilde sa Nestea Beach Volley Visayas eliminations
May dakung purohan nga mapanalipdan sa defending national champion University of the Visayas (UV) ang ilang titulo dihang nagpadayon kini'g hakot og daog human sa ikaduhang adlaw sa 2008 Nestea Beach Volley Season 11 Visayas eliminations kagahapon didto sa University of St. La Salles (USLS) sand courts sa Bacolod City.
Sila si Jusabelle Brillo ug Janez Armie Igot sa UV ni coach Raffy Briones miharos nilang Sheryl June Denila ug Jerriz Joy Solis sa host-USLS sud sa duha ka sets, 21-15, 21-15.
Ang kadaugan sa UV nga nagbitbit og 2-0 win-loss record nakapahayag sa ilang kahigayonan nga mosakmit og luna sa national finals karong Abril 26-28 didto sa
Nabiyaan og sayes puntos ang UV sa second set, 4-10, apan mibawos kini pinaagi sa paglusad og 8-0 run aron pag-ilog sa labaw. 12-10. Wala na molingi pa ang UV gikan niadto.
Ang kadaugan maoy ikaduha nilang Brillo ug Igot human gipilde ang
"Wala kaayo kagawas ang ilang kusog kay kuwang sa warm-up but I’m pretty much happy that the girls were still able to make it," matud pa ni Briones.
Sa all-Cebu women's match, sila si Janelle Tabio ug Florianne Gutierrez sa Southwestern University mipukan sa tandem nilang Erika Camille Verano ug Herlene Ybarita sa University of Southern Philippines Foundation (USPF), 21-13, 21-11. Ang SWU adunay 2-0 nga baraha, samtang ang USPF nagbitbit og 1-1.
Sa men's division, gilupig nilang Jhunrey Sasing ug James Ryan Rivera sa USPF ang University of San Jose-Recoletos (USJ-R), 21-13, 21-19 sa laing duwa sa duha ka teams sa Sugbu.
- Latest
- Trending
