UV midagit sa korona
Nakaangkon og laing korona ang defending champion University of the Visayas (UV) human nila gipilde ang karibal University of San Jose-Recoletos (USJ-R) Team A sud sa tulo ka hugna sa tinaktakay nga kampiyonato sa 2nd M. Lhuillier Kwarta Padala All-Ladies Beach Volley Open niadtong Domingo didto sa Wiggy’s Beach Resort sa Lilo-an, Cebu.
Ang tandem nilang Jusabelle Brillo ug Janez Armie Igot sa UV nga bugnaw kaayo pagsugod sa duwa napukan sa first set, 15-21. Apan ang UV ni coach Raffy Briones nakabawi dihang mibukal ang kainit niini sa ikaduhang set aron pagpukan sa USJ-R, 25-12 nga nakapuwersa ngadto sa rubbermatch.
Sa deciding set, gidominar na nilang Brillo ug Igot ang duwa aron pag-angkon sa 15-8 nga kadaugan.
Sila si Brillo ug Igot mao sab ang nakampiyon sa miaging tuig nga M. Lhuillier beach volley human gipilde ang Southwestern University (SWU).
Gidominar sab nilang Brillo ug Igot ang Nestea Beach Volley Season 10 sa miaging summer didto sa
Sa duwa alang sa ikatulong dapit, sila si Janelle Tabio ug Florianne Gutierrez sa SWU Team A mipukan sa tandem nilang Marites Natad ug Christine Rose Bohol sa Arthro Kontra Arthritis, 25-17.
Gawas sa tropeyo, si Brillo ug Igot nakabulsa sab og P5,000, samtang sila si Simbajon ug Sabas mibulsa og P3,000. Sila si Tabio ug Gutierrez miuli bitbit ang P2,000 nga ganti.
- Latest
- Trending
