Kun apiki ang pocket

Si Ashok Kumar, respetadong sportsperson ug tagsulat sa librong Snooker and Billiards, misugyot nga panahon sa pagbansay-bansay, labing maayo nga maoy gamiton ang lamesa nga daku og pocket. Ilabi na sa mga magtutuon o bag-o lang nagtuon, mas makaayo alang kanila ang pagbansay ginamit ang lamesa nga daku og pocket.

Hinuon, gipasabot ni Kumar nga dili usab maayo mga modukot ang magdudula sa maong matang sa ideya. Kinahanglang mo-step up ang magdudula bisan sa panahon sa iyang pagbansay. Kun nakita sa magdudula nga hanas na siya sa pagtira ibabaw sa lamesa nga daku og pocket, angay usab iyang sulayan ang pagtira sa ibabaw sa lamesa nga  hagip-ot og pocket. Kay diha sa match play, dili lang damhon nga ang magdudula makasugat og pocket nga hilabihan kaapiki.

* * *

Si Kumar mipasabot sa pag-ingon: "If the pockets are too tight, the shape and pattern of the game changes. This destroys the confidence of the players and makes them take alternative shots so that they lose position."

Buot ipasabot dinhi nga kun apiki ang pocket, mangausab ang shape and pattern sa dula. Dili kini ikahibulong kay magkagamay man ang tsansa sa pagpasulod sa bola ngadto sa pocket kun dili gayod nungnongan sa magdudula ang pagpunting sa object ball. Kinahanglang maka-adjust ang magdudula sa pagpahaom sa iyang tayada kun apiki ang pocket sa billiard table aron magpabiling epektibo ang iyang mga tayada.

* * *

Kasagaran, kun ang magdudula naanad sa lamesa nga dagku og pocket, mabag-ohan siya kun makasugat og lamesa nga gamay og pocket. Posibleng dili mosalir ang iyang nakat-onan sa pagbansay sa lamesa nga daku og pocket diha sa iyang pagdula ibabaw sa lamesa nga gamay og pocket. Busa, kinahanglang flexible ang magdudula.

Kun atong sumahon, angay gayod magbansay ang magdudula ginamit ang lamesa nga dagko og pocket ug ang lamesa nga gamay og pocket aron           siya maanad. Kun maanad na siya, dili na lisud alang kaniya ang pagdawat sa mga hagit sa kinabuhi.

* * *

MAGBILYAR TA TEXTMATE PORTION: 0918-4237299, 0918-6379357 ug 0919-4366722.

* * *

(Mga sugyot ug pakisayod? Text  sa 0910-8105522)