Ang MLSDF Selection milampaso sa Pycnogenol/Hoop It Up-backed Cebu Institute of Technology (CIT) Wildkittens, 72-58 sa ilang knockout final aron pagsakmit sa kampiyonato sa 4th M. Lhuillier Kwarta Padala Under-21 Developmental Basketball League niadtong Domingo sa gabii didto sa Consolacion Sports Complex.
Ang hitman sa MLSDF nga si Phil Mercader mi-iskor lamang og otso, apan siya maoy gikoronahang regular season MVP kay mi-average kini og 18 puntos, unom ka rebounds ug 4.5 assists matag duwa.
Gumikan niini, si Mercader awtomatik nga nakaangkon og luna sa Mythical Five uban nilang John Paul Tampus sa Salazar Colleges of Science and Institute of Technology (SCSIT) Baby Skyblazers, Lemuel Malagar sa Consolacion National High School, Brylle Orog sa CIT ug Lemar Dahil sa Agukoy National High School-Consolacion.
Sa maayong paggiya ni coach Leodi Garcia, ang MLSDF miratsada dayon pagsugod sa duwa aron pagposte og 15-2 nga bentaha.
Ang CIT nakasikit sa iskor nga 15-17 apan mao ra kadto ang labing nindot nilang nahimo gumikan kay mitubag sab dayon ang MLSDF aron pag-abante og 11 puntos sa first half, 37-26. Gikan niadto wala na makakisaw pa ang Wildkittens.
Si Mikee Cabahug, anak ni multi-titled University of the Visayas (UV) Green Lancers head coach Elmer 'Boy' Cabahug, maoy nangu sa MLSDF sa iyang 11 puntos
Sa gubat alang sa ikatulong dapit, ang Agukoy NHS mipahimulos sa undermanned SCSIT Skyblazers kinsa unom lamang ka players ang mitunga aron paglansang og 83-69 nga kadaugan.
PUNTOS MATAG USA
Unang duwa:
Agukoy NHS (83) - Medida 14, Dahil 13, Ermac 13, Gonzaga 10, Sierra 9, Pilapil 8, Valle 8, Pepito 4, Villamor 4,
SCSIT (69) - Violango 16, Rabaya 15, Balaba 11, Amarado 9, Tampus 4, Ochea 4
Ikaduhang duwa:
MLSDF (72) - M. Cabahug 11, Benedicto 10, EC Cabahug 9, Mercader 8, R. Cabahug 7, Daan 6, Ybañez 4, Quintana 4,J. Cabahug 4, Mosqueda 3, E. Cabahug 2, Cincoflores 2, Bosque 2
CIT (58) - Agusto 18, Ygay 16, Orog 9, Labagala 6, Reyes 5, Caballero 3, Mondragon 1