Niños kampiyon sa basketball elementary

Nalangkat sa Cebu City Niños ang korona sa elementary basketball sa Central Visayas Regional Athletic Association (CVIRAA) dihang ilang gipukan ang Dumaguete City sa finals didto sa Gov. Aumentado gym sa barangay Tiptip, Tagbilaran City.

Dakung sulagma sab ang nahitabo nga ang magic score sa Niños 73.
Gipukan sa Cebu City Niños ang "twice-to-beat" nga Dumaguete City sa duha ka duwa niadtong Domingo sa hapon. Una nilang gipukan ang Dumaguete sa iskor nga 73-70 ug sa ikaduhang duwa sa finals, midaug sab ang Niños sa iskor, 73-61 aron pagsakmit sa korona.

Naka-iskor sab og 73-70 nga kadaugan ang Cebu City Niños atol sa ilang engkuwentro batok sa Mandaue City.

Ang Dumaguete nakaangkon og "twice-to-beat" advantage human nila

mapilde ang napiangan nga Cebu City Niños. Upat ka mga sinaligan sa Cebu City Niños ang wala makapakita'g aksiyon niadtong Sabado tungod kay mitambong kini sa ilang "graduation"  sa University of San Carlos-North Campus.

Ang mga magduduwa kinsa wala makaduwa sa quarterfinals mao sila si Digoy Gacrama, Rey Arnejo, Biboy Pleños ug Lian Alipio.