Si Joan Cornejo sa Cebu Sacred Heart mitumba og 814 ka pins sa upat ka duwa aron paghari sa Cebu Tenpin Bowling Association (CETBA) Juniors 1st quarter tournament niadtong Easter Sunday didto sa SM City Bowling Lanes.
Gawas sa iyang nakuha nga 814 pinfalls, ang 16-anyos nga si Cornejo mao sab ang midaog sa highest single for girls sa iyang 220 pinfalls, sumala ni CETBA Youth director Lolito Sy.
Si Jonathan Aoyama, 15-anyos sa Marie Ernestine School mipahiluna sa ikaduha sa iyang 799 pinfalls, samtang ang 12 anyos nga si Ian Cayron sa St. Louis School sa Mandaue nalandig sa ikatulong puwesto sa iyang 778 pinfalls.
Si Cayron mao usab ang nakakuha sa highest singles for boys sa iyang 219 pinfalls ug usa lang ka pin ang biya batok kang Cornejo.
Naglakip sa top 10 finishers mao sila si Jude Go (777) sa Cebu Achievers Learning Center, John Galindo (773) sa St. Louis School, Brian Sy (756) sa Cebu Cherish School, Patrick Petracorta (756) sa St. Augustine International School, Beatrix Tan (745) sa Sacred Heart School-Jesuits, Heber Alqueza (729) sa St. Benedict Childhood Education ug Genie Silva (723) sa Sacred Heart School-Jesuits.
Lain pang top contender sa first quarter mao ang nuybe anyos nga si Yasu Aoyama sa Woodridge School. Ang kinabataang bowler nahimutang sa ika-17 sa overall sa iyang 673 pinfalls.
Ang uban mao sila si RR Cayron (715) sa St. Louis School, Joshua Chu (715) sa Cebu Cherish School, Aui Padawan (712) sa Colegio dela Immaculada Concepcion, Jonard Chu (691) sa Cebu Cherish School, GJ Buyco (686) sa San Roque Child Development ug Gwyn Silva (674) sa Sacred Heart School-Jesuits.