Ang kanhi point guard sa Don Bosco Technology Center (DBTC) nga si Britt Carlo Reroma mobiya paingon sa Estados Unidos karong Abril 3 aron maoy mo-coach sa 15-Under squad sa Basketball Efficiency Scientific Training (BEST) Center sa Swoosh (Nike) Basketball Tournament.
Si Reroma kinsa magduduwa kanhi sa San Beda Red Cubs sa NCAA, mo-estalar sa US sud sa duha ka semana.
Ang batan-ong RP Team unang moduwa sa Las Vegas, Nevada unya sa Abril 5-9 ug dayon sa Los Angeles, California sa Abril 10-14.
Gihatagan og katungod sa Reroma nga modala sa RP Team sa mga opisyales sa BEST camp sa San Beda tungod sa iyang gipakitang kakugi ug pagka-matinud-anon isip coach sa Passarelle division.
Ang iyang Red Cubs mao kanunay ang mahimong kampiyon sa Milo-BEST didto sa Metro Manila.
Si Reroma nabansay ubos ni Edmundo 'Ato' Badolato, ang "winningest" high school coach sa tibuok nasud.
Sa iya unyang pagbalik gikan sa Estados Unidos, si Reroma mopahigayon og Cherifer Training Camp basketball clinic sa labing unang higayon karong Mayo 1-31 diha sa Don Bosco gym.