Misyon sa Castrol-Quickflight natapos na
Nahingpit na ang tahas sa Team Castrol-Quickflight Racing daredevils diin ilang gilangkat ang kampiyonato ug pipila ka runner-up trophies sa Sinigayan Motocross Invitational-Governor Maranon Challenge didto sa Sagay, Negros Occidental.
Ang skipper sa Castrol-Quickflight nga si Pepo Rubi ikaduha lang ni Dondon Yuson sa premiere open division bisan og naka-agi og kadaot ang iyang biseklita.
Gipruybahan ni Keith Babano Galaura nga bililhon siya sa team dihang iyang gitugbangan ang nakuha ni Pepo sa beginner's class.
Sa iyang bahin, ang beteranong si Jun Enriquez, mitunol og championship trophy pinaagi sa pagpanghawod sa executives division.
Si Clark Wagas kinsa mibalik sa aksiyon mitapos sa ikaupat sa open production class.
Ang Castrol-Quickflight mipadala lang og upat ka riders sa Sagay gumikan kay limitado lamang ang mga kategoriya nga tigian.
Ang Castrol-Quickflight riders naglantaw ug nangandam karon sa 3rd leg sa 2008 MS Motosuit Motocross Series nga ulohan og "10th Ornopia Cup" sa Calambua, San Remigio.
- Latest
- Trending
