Ang local pedal-pushers molabyog sa amihanang bahin sa Sugbu alang sa Danao City Sports Commission (DCSC)-organized Summer Bikefest karong Abril 6.
Magsugod ang karera gikan sa Danao paingon sa Lugo ug balik sa Danao.
Ang kompetisyon gibahin sa upat ka kategoriya -- A, combined B ug C, By Invitational ug ang RB. Ang RB naila sab nga "Red Baron" class, bukas kini sa road racers kinsa adunay pangedaron nga 50 anyos ug pataas.
Dul-an sa P12,000 nga ganting salapi ang gitagana alang sa tanang mananaog.
Ang nag-unang tulo ka riders sa matag kategoriya makadawat og uniporming premyo P1,500, P1,000 ug P500 matag usa.
Libre ang registration. Ang mga tigpasiugda mohatag og libreng paniudto alang sa tanang mga partisipante.