Christine nakaikyas

Naka-ikyas ang Christine Traders gikan sa mga kamot sa Hero Commando Pistols human nila maangkon ang 92-91 nga kadaugan aron pag-ilog sa liderato sa nagpadayong Power Forty 2008 President's Cup Summer League basketball tournament niadtong Martes sa gabii didto sa Inayawan Sports Complex

Si El Presidente Ves Eleguin maoy miluwas sa Christine pinaagi sa pagpasulod sa crucial free throws sa katapusang 12 segundos sa duwa.

Naglabaw unta ang Hero Commando og uno punto, 91-90  ug kinahanglan na lang og  lig-on nga depensa apan nakahimo’g foul si Luis Nacional ngadto ni Eleguin kinsa maoy nahimong bayani sa maong duwa.

Sila si Eleguin ug Joey Escalon kinsa parehong  mitusak og  29 puntos maoy nangu sa  Christine, samtang si Peter Lalican kinsa mibugha og 19 puntos maoy nangulo sa  Commando.

Ang Christine nagtangag na og 2-0 nga baraha, samtang ang Hero Commando adunay 1-1 nga baraha.

Sa laing duwa, ang Fag Machine Shop nakabira og daog pinaagi sa paglubong sa defending champion Amihan Bag, 87-68.

PUNTOS MATAG USA

Unang duwa:

Fag Machine (87) -- Fuentes 28, Tabar 20, Sabejon 13, Abasolo 10, Mosqueda 7, Ylaya 4, Villoga 2, Kalinga 2

Amihan (68) -- Rama 13, Dejarme 13, Echavez 12, Ozon 10, Layon 10, Yosores 8, Colinares 2

Ikaduhang duwa:

Christine (92) -- Eleguin 29, Escalon 29, Dela Rama 13, Dejacto 7, Sabellano 6, Cejudo 2, Dacalos 2

Hero Commando (91) -- Lalican 19, Javierto 18, Ibones 17, Rosal 16, Rabadon 8, Genzon 5, Gabuya 4, Turia 2 (Gabby G. Malagar)