Lapu-Lapu, Bogo magpinaksitay na
Sugdan na sa topseed Lapu-Lapu Chiefs ug second-ranked Bogo Bogoys ang ilang kampanya sa kampiyonato sa 1st Inter-City Challenge Cup basketball tournament dihang magsangka kini sa Game-1 sa best-of-three series karong gabii sa Lapu-Lapu Plaza covered court.
Mga duwa karon
(
(for 3rd)
(championship)
Ang Chief ug ang Bogoys magsangka sa alas-9:00 sa gabii human sa duwa tali sa Danao Pistols ug sa Talisay Aquastars nga mag-ilog alang sa ikatulong dapit sa alas-7:00 sa gabii.
Ang Chiefs ug Bogoys misulod sa finals human nila giharos ang “best-of-three” semifinals batok sa ilang tagsa-tagsa ka kaatbang.
Ang Chiefs maoy paborito batok sa Bogo tungod kay kaduha nila pildiha ang Bogoys apan ang nabalak-an ni coach Larry Villanil kay ang bench sa Bogo nagpakita og dakung kausaban ilabi na sa pagtuman sa ilang sistema.
Gawas niini, ang tulo niya ka players hayan dili makaduwa karong gabii.
Apan ning maong liga, ang Chiefs maoy bugtong koponan nga lisud pakgangon sa ilang balwarte.Kahinumduman, gipakauwawan sa Chiefs ang Bogoys sa ilang pagpanulong didto sa Don Celestino Martinez Sr. Memorial Sports Complex niadtong Disyembre sa miaging tuig.
Apan si Villanil dili makapaneguro og yanong kadaugan tungod kay ang pressure anaa kanila ug tulo sab sa iyang mga magduduwa ang posibleng dili mopatim-aw karong gabhiona.
Si Villanil mihatag og dakung pagsalig nilang Jarjar Degamo, Orly Amores, Manny Pancho, Michael Asoro, Adonis Morata, Rino Berido ug Ritchel Falcon. .
Sa laing bahin, ang Bogo pangulohan nilang Jun Ace Ursal ug Noel Balili, apan ang ilang kakugi posibleng maoy yawi sa ilang kadaugan ilabi na sa ilang mga second stringers.
Ang Game-2 adto ipahigayon sa Bogo ug kun adunay Game-3, mobalik ang duwa sa
Usa'g-tunga ka milyon ka pesos ang madawat sa mamahimong kampiyon isip insentibo sa ilang representante sa ilang distrito.
- Latest
- Trending
