Filipino-Australian swimmer daog tulo ka bulawan

Ang Filipino-Australian swimming sensation nga midaog og tulo ka gold adunay tulo ka dakung ambisyon sa kinabuhi.

Labing unang pangandoy sa 10-anyos nga si Hazel Son mao nga mahimong sakop sa Australian national team sa 2010, ikaduha nga modaog og Olympic gold medal ug ang ikatulo nga mapatik sa kasaysayan isip labing batang swimming champion sa tibuok kalibotan.

Si Hazel, anak ni kanhi University of Cebu (UC) Webmaster power forward Harley Son,  mihakot og tulo ka gold medals sa  2008 Swimming WA Sprint Championships niadtong Marso 8-9 didto sa Challenge Stadium sa Perth, Australia.
Si Son, ang pambato sa Aquajets Swimming Club ubos sa German coach Gerry Stachewicz  naka-gold  sa 50-meter Long Course freestyle sa oras 31.78 segundos.

Adunay 45 ka swimmers  ang nagtigi sa 10-year below category.

Hinuon, si Hazel nahimutang sa ikaupat nga dapit sa 33 ka mga partisipante sa 50-meter Long Course backstroke  sa oras 38.79 segundos.
Nanumpa si Hazel  nga mamawi siya  State Age Championships nga himuon sa sayong bahin sunod buwan.Ang iyang igsuon nga si Harme, 12-anyos, usa usab ka champion swimmer.
Matud pa ni Son nga iyang dad-on og balik dinhi sa Pilipinas ang iyang mga anak uban ang panghinaot nga mo-qualify sa Philippine swimming team nga mo-representar sa mga international competitions.