Ang Mandaue-based Shotokan Karatedo Organization (SKO) mihakot og usa ka silver ug duha ka bronze medals sa bag-o lang natapos nga Philippine-Japan Invitational Karatedo Championships didto sa SM Mall of Asia sa Pasay City.
Si April Marie Campo sa SKO midaog og silver sa kumite ug bronze sa kata competition taliwala sa mga lig-ong mga kaatbang.
Laing pambato sa SKO nga si Anne Marie de la Riarte midaog sab og bronze sa age-group kata event.
Sa ilang impresibong nga mga duwa, sila si Campo ug Riarte dili lang kay nidaog og medalya, kondili imbetasyon usab alang sa usa ka semana nga training camp sa Japan uban ni Shihan Jess Paredes sunod buwan.
Ang mga bisitang karatekas gikan sa Japan maoy midominar sa Association for the Advancement in Karatedo (AKK)-organized event.