Rambol sa Mandaue
Manalipod na si reigning World Boxing Organization (WBO) Asia-Pacific minimumweight champion Milan 'Milenyo' Melindo sa iyang walay mantsa nga baraha batok ni Indonesian Sofyan 'Cobra' Effendi sa ilang 10 ka hugna nga binakbakay nga maoy main event sa "Do or Die" Power of Two" fight card sa ALA Promotions karong gabii diha sa Mandaue City Cultural and Sports Complex.
Ang sinukliay sa mga kumo sugdan sa alas-7:00 sa gabii.
Mao kini ang unang pagsaka ibabaw sa ring ni Melindo ning tuiga ug mao usab ang unang away gikan sa iyang malampusong pagdepensa sa iyang WBO regional belt pinaagi sa 12-round unanimous decision nga kadaugan batok ni Jack Amisa sa Indonesia niadtong Disyembre 2, 2007 didto sa Araneta Coliseum.
Si Melindo (14-0, 4KOs) nakapabor sa maong away tungod sa giingong "homecourt advantage" apan si Effendi (7-4-1, 6KOs) mao unya ang babag sa dalan sa bitoon sa ALA Stable ngadto sa kadaugan nga mipatumba og unom sa iyang pito ka mga biktima sud lamang sa upat ka hugna.
Tataw nga si Effendi adunay pubya dinhi sa Pilipinas gumikan kay wala makadaog sa iyang pagsulong dinhi sa sud sa duha ka higayon.
Sa una niyang pagtaak dinhi sa nasud, si Effendi igo lang nakatabla batok ni Steve Dimaisip niadtong Oktubre 13, 2006 didto sa Trece Martirez Gym sa
Apan kalbaryo ang misugat ni Effendi sa iyang ikaduhang pagsulod dihang gipalukapa kini sa beteranong si Bert 'Ninja' Batawang sa ikaupat nga hugna sa undercard sa "Moment of Truth" card niadtong Pebrero 24, 2007 sa Cebu City Sports Center.
Sa supporting main event, lain pang batos sa nabaniog nga ALA Stable nga si Weng Haya (9-1, 6
Sa special attraction si Steven Garrett sa America makigsinukliay og kumo ni Eman Labanza sa Tagbilaran City.
Lain pang mga away nga masaksihan sa kulbahinam nga promosyon naglakip nilang Jason Pagara (12-1, 6 KOs) vs. William Jorge (4-3), Jether Oliva (7-0, 7 KOs) vs. Roel Honor (2-6, 1 KOs), Sherwin Paro (17-6-1, 9KOs) vs. Nelson Llason (3-6-1, 3 KOs), Jerson Mancio vs. Ed Orellano, Rey Las Pinas vs. Renan Branzuela, ug Alde De Zosa vs. Allan Jay Tunacao.
- Latest
- Trending
