Ang garbo sa Sugbu nga si Cary 'The Prince' Bullos mopakita na sab sa iyang abilidad dihang iyang harungon ang seasoned mixed martial artist Tony Donaire sa main event sa Universal Reality Combat Championship (URCC)-Cebu II nga ulohan og "Visayan Pride" ugma sa gabii diha sa Waterfront-Cebu City Hotel and Casino sa barangay Lahug, ning siyudad.
Kahinumduman, si Bullos mimakmak ni Elijah Siam sa Bacolod sud lang sa 26 segundos sa unang URCC action dinhi sa Sugbu.
Lain pang mopakita'g aksiyon ning maong kompetisyon nga gipasiugdahan ni Renault Lao uban sa pag-abag nilang Markman Yap ug Jason Salao, si Michael Arquillano moharong ni John Armoganda, Arnel Abancina vs. Rogelito Plomeda, Charlie Angel vs. Jessie Rafols, Demetrio de la Torre vs. Gian Vicuna, Neil Dungog vs. Allan Factuba, Maxilito Yong vs. Eugene Yongke, Mike Tabamo vs. Edmund Fernandez, Andrew Benibe vs. Rodel Chua ug Geronimo Etac vs. Jet Lumaog.