Ang Bank of the Philippine Islands (BPI) ug Allied Bank miposte og managlahing kadaugan sa nagpadayong aksiyon sa 2008 Cebu United Bankers Association (CUBA) First Conference basketball tournament didto sa Our Lady of Sacred Heart Gym sa dalan Escario ning siyudad.
Gidominar sa BPI ang tibuok duwa aron pagpukan sa Spurs sa iskor nga 83-76, samtang ang Allied Bank nagkinahanglan pa og dugang singko minutos nga overtime una nila mapukan ang Wealth Bank sa iskor nga 81-72.
Si Julius Gastador, ang kanhi magduduwa sa Negros Slasher sa nabungkag nga Metropolitan Basketball Association (MBA) milaslas og 17 puntos, samtang sila si Mario Peralta ug Rey Castellano mitimang og 12 puntos matag usa alang sa BPI.
Sa sayo pa, ang Allied Bank kanunay nga naggukod hangtod nga milusad kini og makalilisang nga rally sa nanghinapos nga bahin sa duwa aron pagtabla sa iskor, 67-all nga miresulta sa overtime.
Sa dugang singko minutos, ang Allied Bank na ang mipasuwabi aron pagpukan sa Wealth Bank.
Ang kanhi USP Panther star nga si Bogart Nemenzo maoy topscorer sa Allied Bank sa iyang 29 puntos.
PUNTOS MATAG USA
Unang duwa:
Allied Bank (81) - Nemenzo 29, Tuason 22, Kim 8, Yu 6, Ong 5, Dave 4, Zeigfield 4, Dre 3
Wealth Bank (71) - Ortiz 14, Allera 13, Domiguete 11, Navarro 10, Mirafuentes 6, Osorio 6, Rizada 4, Miñoza 3, Sigue 3, Ornopia 2
Quarterscores: 17-16, 29-34, 44-50, 67-all, 81-72 (OT)
Ikaduhang duwa:
BPI (83) - Gastador 17, Peralta 12, Castellano 12, Mabanto 10, Cataros 10, Teves 9, Mabanto 8, Arreza 2, Tecson 2, Amolo 1
Spurs (76) - Salis 22, Betwas 16, So 14, Po 11, Aquinde 8, Lim 5
Quarterscores: 21-16, 35-22, 55-43, 83-76