Ang Center of International Education (CIE) mibira og 70-61 nga kadaugan batok sa Cebu Eastern College (CEC) atol sa ilang duwa sa 1st Hapee Online Challenge Cup 17 age category didto sa CEC gym.
Ang CIE naghangad sa ilang tore nga sila si Kirby Cabrera ug Jerik Gomez kinsa gilawgan og maayo sa ilawom.
Ang 16-anyos nga si Cabrera miligwat og 28 puntos ug milangkat og 14 ka rebounds ug nakig-alayon ni Gomez alang sa 18-3 run sa ikaduhang kuwarter aron paghatag sa CIE og makabungog nga labaw, 41-26.
Misuway og gukod ang CEC sa second half apan ang bugtong nilang nahimo mao ang pagkitkit sa labaw, 50-41 sa sayong bahin sa katapusan ug final quarter.
Sa iyang pagkamabayanihon, si Cabrera maoy gipasidunggang "Best Dewfoam of the Game."
(Yoyo R. Abayan)