Kidd mobalhin sa Dallas
Gihawanan na ang dalan ni New
Sumala pa sa ESPN nga ang New Jersey mobuhi nilang Kidd ug forward Malik Allen ngadto sa Dallas bugti nilang guard Devin Harris, veteran swingman Jerry Stackhouse, center De Sagana Diop, swingman Devean George ug guard Maurice Ager.
Dili pa hinuon kini opisyal apan ang binayloay sa draft picks malakip sab sa maong kasabotan.
Ang eight-time all-star nga si Kidd mo-average og 11.3 points, 8.1 rebounds ug 10.4 assists niini nga season.
Si Kidd kinsa mag-35 anyos sunod buwan nabantog na kaayo sa iyang kangilngig ug ingon man sa leadership ability nga maoy kulang sa kampo sa Mavericks sa miaging duha ka seasons partikular na sa playoffs.
Ang Dallas napakyas paglangkat sa titulo sa 2006 NBA Finals batok sa Miami Heat.
Ang Mavs nakabentaha og duha ka daog batok sa Heat, apan gisuklian kini og upat ka sunod-sunod nga kapildihan sa labing una nilang duwa sa finals.
Sa miaging season, ang Mavs wala makasugakod sa Golden State Warriors sa unang hugna sa playoffs human kini miposte og 67 ka daog. (Yoyo R. Abayan)
- Latest
- Trending
