Miami Heat nalansang
Gipakauwawan na sab ang
Heat sa ilang kaugalingong balwarte dihang gipilde kini sa Denver Nuggets sa overtime sa iskor nga 113-114 kagahapon sa nagpadayong National Basketball Association didto sa American Airlines Arena sa Miami, Florida.
Ang Heat nalansang ug mao na lang ang bugtong team sa NBA nga wala pa makaabot og 10 ka daog. Nakahipos lang kini og siyam ka daog sa 50 nila ka duwa (9-41) nga maoy pinakangil-ad nga rekord sa ilang prangkisa.
Gitabla ni Dwayne Wade ang duwa sa iskor nga 110-all sa katapusang 2:36 sa overtime apan iya usab ang sipyat sa katapusang 22 segundos sa duwa hinungdan sa ilang kapildihan.
Nasipyat si Wade sa iyang 22-footer jumpshot nga mao unta ang makaluwas sa namugnaw'ng
Si J.R. Smith mihimo’g career-best nga walo ka triples aron pangulohan ang Nuggets kinsa nagbitbit og 32-19 win-loss record.
Si Smith mi-iskor og 28 puntos, gisundan ni Kenyon Martin nga mitampo og 24 puntos, Carmelo Anthony kinsa mipabuto og 22 puntos ug Marcus Camby nga mitampo og 12 puntos.
Si Wade giabagan sab nilang Shawn Marion nga mitunol og 23 puntos, Dorell Wright nga mitampo og 19 puntos ug Mark Blount nga mitunol og 18 puntos.
Si Marion mihakot og season-best 18 ka rebounds nga maoy bugtong player sa Heat nga adunay pinakadaghan og rebounds.
Sa laing mga duwa, ang Boston Celtics midaog batok sa Indiana Pacers sa iskor nga 104-97, ang Detroit Pistons gilisud-lisod pa una sa Atlanta Hawks una nila nakuha ang 94-90 nga kadaugan.
Ang New Jersey Nets miihaw sa Minnesota Timberwolves sa iskor nga 92-88, ang Memphis Grizzlies mipaluhod sa Sacramento Kings sa iskor nga 107-94 ug giihaw sab sa New Orleans Hornets ang Chicago Bulls, 100-86.
- Latest
- Trending
