MLSDF, Agukoy miabante sa semis
Ang MLSDF selection ug Agukoy National High School sa Consolacion, nga pulos adunay twice-to-beat advantage, mipakgang sa tagsa-tagsa nila ka karibal aron pag-abante ngadto sa semifinals sa 4th M. Lhuillier Kwarta Padala Under-21 Developmental Basketball League didto sa Consolacion Sports Complex.
Ang MLSDF nagsandig sa mainitong duwa sa katapusang kuwarter aron pagpakaging sa Consolacion NHS, 85-77, samtang ang Agukoy maoy midominar gikan sa pagsugod ngadto nga napupos ang oras sa duwa aron paglampurnas sa Bry. Pajo sa Lapu-Lapu City, 72-61.
Sikit kaayo ang duwa sa sinugdanan hangtod nga ang Consolacion mipaulan og 3-point shots sa ikatulong kuwarter hinungdan nga nakalabaw sila og siyete puntos, 61-54.
Apan wala kini makaguba sa determinasyon sa MLSDF kinsa mi-abli sa katapusang kuwarter pinaagi sa paglusad og 10-0 run aron pag-ilog sa labaw, 64-61.
Katapusang nakatabla ang Consolacion sa iskor nga 75-75 gumikan kay si Harold Cincoflores mipasud og duha ka free throws aron pagpa-abante sa MLSDF, og dos puntos, 77-75.
Daku sab og na-ambag sa kadaugan sa MLSDF ang sunod-sunod nga turnovers sa Consolacion sa daginutong oras sa duwa.
Sa laing duwa, ang Agukoy NHS wala na milingi pa sukad nila gibiyaan og 12 puntos ang Brgy. Pajo, 54-42, human sa ikatulong kuwarter.
PUNTOS MATAG
Agukoy-Consolacion (72) - Dahil 11, Valle 9, Ponce 8, Ermac 8, Medida 7, Dumaguit 6, Gerra 6, Somosot 5, Gonzaga 4, Villamor 4, Pilapil 2, Ramos 2
Brgy. Pajo (61) - Tumulak 14, Booc 11, Layones 11, Bisinio 10, Genodiala 5, Booc 4, Atunducan 2, Galaroso 2, Sombrio 2
Ikaduhang duwa:
MLSDF (85) - Mercader 22, Cincoflores 20, Benedicto 15, Daan 6, Quintana 6, M. Cabahug 5, Bucayan 4, C. Cabahug 4, A. Cabahug 2, E. Cabahug 1
Consolaction NHS (77) - Malagar 18, Mejares 18, Najarro 12, Linao 9, Campilan 6, Ropal 6,
(Emmanuel B. Villaruel)
- Latest
- Trending
