Red, White teams daog sa UC-CCC players grand reunion
Ang CCC-Baby Executives Red Team nga gipangulohan ni ex-pro Freddie Abuda, Naga City Mayor Val Chiong ug FEU Tamaraws team consultant Berting Flores, mipukan sa CCC-US Base Blue Team nilang Rey Yncierto ug Ben Ocariza sa iskor nga 97-85 sa exhibition game sa UC/CCC Players Grand Reunion niadtong Sabado didto sa Cebu Coliseum.
Samtang ang UC Alumni-White ni Webmasters coach ug magduduwa-kanhi sa Alaska Aces nga Roel Gomez midaog sab pinaagi sa iyang pagkamabayanihon human mapasulod ang iyang three-pointer sa katapusang 24 segundos aron pagpukan sa CCC Mariners-Yellow ni Alex Cainglet sa iskor nga 90-87.
Si Ope Abellana maoy miwadwad og maayo aron pangulohan ang Red Team sa iyang 19 puntos. Si Mayor Chiong mitampo og singko puntos apan iyang gipakita nga aduna pa siya’y igong kusog ug abilidad sa duwang basketbol.
Si Aldrin Barola mihakot og 14 puntos, samtang si Harlie Son kinsa
Ang beteranong si Boy Partoza, kinsa mipugnit og 30 puntos mao usab ang nangulo sa pilderong Blue Team. Si Percius Curugan miamot og 18 puntos ug si Rey Yncierto mitampo og 11 puntos.
Lain pang mga US-based sponsors nga sila si Allan Ceniza ug Ben Ocariza mibugha og kuwatro puntos matag
Si Gomez kinsa mikulit og 27 puntos maoy nangu sa kadaugan sa White Team, samtang si Alex Cainglet nga mipabuto og 22 puntos mao sab ang nangulo sa pilderong Yellow Team.
Puntos Matag
Ikaduhang duwa:
Red (97) -- Abellana 19, Barola 14, Son 11, Tantiado 9, Leyson 9, R. Bacalso 8, Flores 6, Chiong 5, Abuda 4, Puno 2, Geonzon 2, Araño 2
Blue (85) -- Partoza 30, Curugan 18, Yncierto 11, Dumdum 6, Billano 4, Ceniza 4, Ocariza 4, Jueves 4, M. Yncierto 2, Macoy 1, Viatar 1
Ikaduhang duwa:
White (90) -- Gomez 27, Gawangon 13, Rosal 9, Lozano 7, Sasan 6, Soler 4, Sesante 4, Licanda 3, Samonte 2
Yellow (87) -- Cainglet 22, Montalbo 11, B. Bacalso 10, Cortez 9, R. Bacalso 9, Sumampan 7, Tinodora 6, Vidal 5, Tabura 4, Soler 1
- Latest
- Trending
