La Fortuna Cup 2 press conference himuon karon
Unom ka collegiate teams ang gipaabot nga motambong sa press conference alang sa umaabot nga La Fortuna Cup 2 basketball tournament sunod semana sa Cebu Coliseum.
Ang mga coaches ug team representatives sa mga partisipanteng koponan gihangyo sa pagtambong sa maong tigum karong
Mga tunghaan nga gi-imbitar mao ang University of the Visayas, Southwestern University, University of San Jose-Recoletos, Universiy of San Carlos, Asian College of Technology ug ang Salazar Institute of Technology (SIT).
Si Lorenzo 'Chao' Sy, ang organizer sa maong liga mibutyag nga ang La Fortuna Cup 2 magsilbeng tune-up games alang sa umaabot nga National Students Basketball Championships (NSBC) unya sa Pebrero 25 hangtod sa Marso 2 dinhi sa Sugbu.
Ang CESAFI ubos ni commissioner Felix O. Tiukinhoy Jr. mihatag na'g abiso ngadto sa nahisgutang tunghaan sa pagsalmot sa NSBC.
"Bilib ko ni Tiukinhoy. Nakasabot gyud siya nga dili ni dautan ang atong tuyo ug maayo unta og kalimtan na lang nato ang ginagmay nga problema sa basketbol dinhi sa Sugbu kay kaayohan man ni sa tanan," matud pa ni Sy.
Ang top four teams sa NSBC mao unya ang morepresentar sa ipahigayon nga Asian University Games sa unang semana sa bulan sa Hunyo diha gihapon sa Cebu Coliseum.
- Latest
- Trending
