Montaña Pawnshop duwa sa Sinulog Cup
Ang founding member Montaña Pawnshop-Davao mobalik sa Mindanao Visayas Basketball Association (MVBA) dihang moduwa kini sa Sinulog Cup karong Enero 27-31 diha sa Cebu Coliseum.
Ang Montaña nakatugpa sa Mindanao Division semifinals sa labing unang conference sa MVBA niadtong 2006 apan natagak kini sa ilang pakigsangka sa Iligan Archangels, 1-2.
Sukad niadto, ang Montaña ni businesssman Armando Quibod wala na moapil sa liga.
Ang kanhi guwardiya sa Cebu Landmaster-Mandaue ug natibo sa dakbayan sa Davao nga si Michael Manigo ang napuno sa line-up sa Montaña ug gipaabot mopalig-on sa koponan uban ni team captain Randy Panerio, guards Allan Quibod ug Ryan Abanes ug forwards Junel Jawod ug Dado Ayson.
Ang Montaña maoy nikompleto sa unom ka team nga mokumbati sa Sinulog Cup ilawom sa pangaliya sa Samahang Basketbol ng Pilipinas (BAP-SBP).
Mangulo sa Sinulog Cup mao ang defending back-to-back champion M. Lhuillier Kwarta Padala-
Lain pang mosalmot mao ang tulo ka teams gikan sa Metro Manila nga mao ang Philippine Basketball League (PBL) members Pharex Medics ni coach Carlo Tan ug Toyota-Balintawak Road Kings ni coach Ariel Vanguardia ug Metro Basketball League (MBL) titlist Fifth Avenue Telecoms ubos sa ilang playing coach Junel Mendiola.
Ang multi-titled University of the Visayas (UV) Green Lancers ni coach Elmer 'Boy' Cabahug nga modala sa pangan sa Hotel Fortuna-Boljoon ni businessman Lorenzo 'Chao' Sy ug Mayor Deogenes Derama.
- Latest
- Trending
