Bartolo, Getaruelas record holders sa 21K HM

Ang lumad nga taga-Davao City ug ang Cebu's Queen of the Road maoy RP's record sa half-marathon human nanghawod sa ilang tagsa-tagsa ka dibisyon sa Mizuno Shell Sinulog Half-Marathon kagahapon sa buntag didto sa Asiatown I.T. Park sa barangay Lahug, ning siyudad.

Si Elemer Bartolo, kinsa nanginabuhi lang pinaagi

sa pagdagan nanghawod sa men's division, samtang

si Leiszl Lumindas-Getaruelas mao usab ang nanghawod sa women's division.

Tungod kay walay existing record sa half-marathon, ang Philippine Amateur Track and Field Association Track and Field Association (PATAFA) mideklara sa duha ka mananaog nga record-holders sa 21-kilometer run.

Si Bartolo, 24-anyos miingon nga wala sa iyang huna-huna  nga mohakot  og national record ug ang  iya lang gamay'ng  tumong nga aduna siya'y madala sa iyang pag-uli.

Si Bartolo, ang Dumaguete leg winner sa miaging tuig nga Milo Marathon, mibulsa og P20,000.

Iyang gitapos pagdagan ang 21K sud lang sa usa ka oras, 10 minutos ug 20.65 segundos. Nag-una lang kini siya og  gamay sa nagsunod niini nga si Jujet de Asis sa Manila nga mioras og 1:11:10.95.

Si Eugene Delposo, kinsa nidaog sa miaging tuig nga  "Halad Kang Mano Amon Run"  didto sa Danao City nalandig sa ikatulo nga dapit sa oras nga 1:11:15.82.

Sa women's division, si Getaruelas mirehistro og personal best time nga 1:28-05.21 alang sa iyang unang kadaugan ning tuiga. Si Mary Jane Beboso nalandig sa ikaduha sa iyang 1:28:15.53 ug gisundan kini ni Madelyn Carter sa iyang 1:32:32.67.

Sa laing bahin, ang manghod ni Eugene Delposo nga si Joel maoy naghari sa 5K run human gitapos ang dagan sa oras nga 15:58.26, gisundan ni Rogelio Abay-abay  nga mioras og 16:12.85 aron sa pagpahiluna sa ikaduha ug Riez Enriquez nga mitapos sa oras nga 16:16.83).

Sa pikas bahin, si Vlessica mao usab ang hara sa 5K run sa  oras nga 19:27.69, gisundan ni Sheena Gacayan sa oras nga 19:49.47 ug Jeory Ann Lee nga mitapos sa dagas sa oras nga 20:01.18.