Omega Stable Gym boxers nanghawod sa Borbon slugfest

Mga boksidor sa Omega Boxing Gym mimakmak  sa  tagsa-tagsa nilang karibal sa gipahigayong "Boxing in Borbon" nga gipasiugdahan ni Angel dela Merced didto sa Borbon, Cebu.

Si Aljun Salogaol mitunol og daog sa Omega pinaagi sa points decision batok ni John Mark Ranan sa Bohol. Si Salogaol nakakuha og iskor sa mga hurado nga 59-55 puntos alang sa iyang kadaugan.

Laing tulo ka mga boksidor sa Omega Boxing Gym midaog sab sa ilang away.

Si Junreil Casimero  mipaundang ni Rogen Flores sa Mandaue sa nahabiling singko segundos sa ikaunom nga hugna sa gikatakda nilang walo ka hugna nga kumbati sa 108 lbs division.

Midaog sab si Marron Ursal pinaagi sa split decision batok ni Jimmy Siscon sa timbang nga 138 lbs. ug si Elf Gitgano midaog   pinaagi gihapon sa split decision batok ni Allan Jay Tuñacao sa 126 lbs.