Sugbu Marathon mosikad na

Magginukdanay na sayo ning kabuntagon ang kapin o kulang 1,500 ka runners sa pagsikad sa Sugbu Marathon 2008 diha sa Asia Town IT Park sa barangay Lahug, ning siyudad.

Sila si Dr. Peter Mancao ug Dr. Yong Larrazabal, kinsa nisalmot sa New York Marathon sa miaging tuig gipaabot nga maoy manghawod sa doctors' category.

Gawas sa 21K half-marathon, aduna say kompetisyon alang sa 3K ug   6K divisions, executives class, team competition, all-MEPZ employees division ug kiddie's run.

Mohatag og technical support sa maong lumba mao ang Cebu Road Runners Club, Sight First Runner Club ug ang CSI-Cebu.

Ang Sugbu Marathon 2008 gipaluyohan usab sa Tubig Ultra Pure, Globe Telecom, Rose Pharmacy, Hanga Bai Bufeet and Resto, Timex, Sight First Clinics, Makimsa Apparels, Andot Sports, Kumon Math and English, Fun and Learn,Tim Transport, Pharmaton, Leon's Bakeshop, 3L Catering, Riverwatch, Cebu Island Tours ug sa  Bo's Coffee