UC booters nag-una gihapon
Ang University of Cebu (UC) booters mao gihapon karon ang nag-una sa Bracket A nga adunay 4-0 slate sa nagpadayong 54th Don Bosco Founder’s Day 11-aside Men’s Open tournament didto sa Don Bosco Seminary fields.
Napun-an ang daog human sa ilang kadaugan batok sa Inter Lapu-Lapu Football Club (ILFC), 3-0 sa miaging gabii. Ang main man sa UC nga si Jake Nahid mihatag og duha ka goals, samtang si Rodney Gantionco mipuno og
Ang Don Bosco United Football Club (DBUFC) nakigkompetensiya na karon sa Inter Cebu Football Club (ICFC) nga pulos nirehistro og duha ka daog sa Bracket B.
Gipildi sa DB United-FC ang Queen City United Football Club (QCUFC), 2-0sa ilang tinaktakay nga duwa sa miaging gabii.
Si Jonathan Sollo maoy bayani sa DBU nga mitunol og duha ka goals.
Ang semifinals sa 11-aside tournament duwaon karong Sabado sa gabii, samtang ang championship games banatan sa Domingo sa hapon.
Karong Sabado, mao usab ang opening sa 54th Don Bosco Founder’s Day Boys Under-12 and Under-17 tournament nga langkuban sa mga sikat nga football teams sa nahisgutang mga categories.
- Latest
- Trending
