Cebu Zonals meeting himuon sa   Enero 11

Giawhag ni  business-man ug sports patron Lorenzo 'Chao'  Sy  ang  tanang coaches o sa  mga representante sa teams nga interesado mosalmot sa   Zonal eliminations tournament sa pagtambong sa tigum  karong  Enero 11  sa alas-12:00 sa udto diha sa La Fortuna-Sto. Niño branch.

Ang Zonal elimination nga  gipasiugdahan sa Basketball Association of the Philippines-Samahang Basketbol ng Pilipinas (BAP-SBP)  himuon karong

Enero 12-20 diha sa Cebu Coliseum.

Ang nag-unang duha ka teams sa lima ka adlaw nga torneyo maoy morepresentar sa Sugbu alang sa National Student Championships nga gikatakda gikan sa Pebrero 25 hangtod sa Marso 5 diha sa gihapon sa Cebu Coliseum.

Si Sy mitug-an dinhi sa Banat News nga ang third placer sa maong torneyo adunay  dakung purohan nga makaduwa sa National Championship tungod kay ang Sugbu nga maoy host, adunay katungod nga moparada og tulo ka teams.

  Nag-una sa mga koponan nga mosalmot mao ang  University of the Visayas (UV) Green Lancers, ang seven-time CESAFI champion, uban sa runner-up niini ang  University of San Carlos (USC) Warriors,  University of San Jose-Recoletos (USJ-R) Jaguars, Southwestern University (SWU) Cobras Asian College of Technolody ug  Salazar Colleges of Science and Institute of Technology.

      Alang sa dugang mga kasayoran, tawag lang ni Chao Sy sa numero (032) 254-0741.