Miposte sa ilang unang daog ang Don Bosco United Football Club booters human nila gipukan ang Don Bosco College FC sa opening game sa 54th Don Bosco Founder's Day 11-aside Men's Open tournament kagahapon didto sa Don Bosco Seminary fields.
Ang DB United-FC mipukan sa DBC-FC, 5-2 ug ang ilang kadaugan nakahatag kahayag nga mosakmit sa titulo ning tuiga.
Ang towering University of Cebu (UC) mipakita sab sa ilang kangilngig human nila gipildi ang University of the Philippines (UP)-FC, 3-0.
Naka-engkuwentro og gamay'ng kalisud ang University of Southern Philippines Foundation Alumni sa wala pa nila maangkon ang 2-1 nga kadaugan batok sa Inter-Lapulapu FC.
Nagmadaugon sab ang Queen City Football Club human sa ilang kulbahinam nga duwa batok sa San Roque United Football Club, 1-0.
Ang 54th Don Bosco Founder's Day bootfest gipasiugdahan ni Fr. Lan Guaio. Ang coach sa DB nga si Glenn Ramos maoy tournament manager uban nilang David Ferales, Lito Bono ug Robert Nicart.