Lagman abante sa semis sa 19th Andrada Cup
Ang Sugbuanong si Jacob Lagman nakaangkon og luna sa semifinal sa 14-under division sa 19th Andrada Age-Group Tennis Championships kagahapon didto sa Rizal Memorial tennis courts.
Naangkon ni Lagman ang lingkoranan human iyang gisirohan si Argil Lance Canizares, 6-0, 6-0.
Si Lagman moharong sunod ni Mauro Bengzon sa semifinal match.
Si Lagman, graduating pupil sa St. Benedict Childhood Learning Center maglaum nga motunhay pa ang iyang maayong duwa aron maangkon ang titulo sa maong kategoriya nga gidominar sa iyang higala nga si Niño Siso.
Si Siso miabante na unta ngadto sa 16-under division, apan wala kini moduwa sa maong torneyo aron makapahuway og tarong human kini mikumbati og upat ka legs sa Malaysia Junior Tennis Circuit sa miaging buwan.
- Latest
- Trending
