Viloria wala na kay Roach, may bagong trainer na

Matapos ang kan-yang panahon kay American trainer Fred-die Roach, lumipat na ng bagong training camp si dating Filipino world light flyweight champion Brian Viloria para sa kanyang pagbabalik sa ibabaw ng lona . 

Mula sa Wild Card Boxing Gym ni Roach sa Hollywood, California, nagsasanay na ang 27-anyos na si Viloria sa Oxnard, California kasama ang bagong trainer na si Roberto Garcia.

“It was a big change,” ani Viloria. “When I got here to train with Roberto, I did not know anyone. I was just running in the mornings, training, and working on technical aspects that I have not touched upon in years.”

Nakatakdang sagu-pain ni Viloria, ang dating World Boxing Council (WBC) light flyweight titlist, ang 37-anyos na si Jose Garcia Bernal ng Colombia sa isang 10-round, non-title fight nga-yon sa Alameda Swap Meet sa Los Angeles, California.

 Ito ang kauna-una-hang laban ni Viloria matapos matalo kay Mexican Edgar Sosa via majority decision noong Abril 14 ng 2007 sa Alamodome sa San Antonio, Texas para sa binakante ni Omar Nino na WBC light flyweight crown.

 Hangad ni Viloria, magdadala ng 19-2-0 win-loss-draw ring record kasama ang 12 KOs, na makabalik sa world boxing scene makaraang tanghaling WBC king noong 2005 mula sa kanyang first round KO kay Eric Ortiz sa pagigiya ni Roach. 

Dadalhin naman ni Bernal, nanggaling sa isang 12th round KO kay Juan Mercedes noong Oktubre 12 ng 2007 para sa World Boxing Organization (WBO) Latino super flyweight championship, ang 27-9-1 (18 KOs) slate.

 Sakaling mabigyang muli ng pagkakataon, ang International Boxing Federation (IBF) at International Boxing Organization (IBO) light flyweight belt ni Nonito “The Filipino Flash” Donaire, Jr. ang target ni Viloria. 

 “Of course, like any fighter, my goal is to win a championship in 2008,” ani Viloria, tinalo si Donaire para sa isang Olympic seat sa US Team noong 2000. “I think a fight with Nonito Donaire would be interesting, as we have a bit of history dating back to the amateurs.”   (Russell Cadayona)