^

PSN Palaro

BAISA, Laser Art mikulit unang daog

- Bot Glorioso, Yoyo R. Abayan -

Nakasikop og daog ang BA Security and Investigation Agency (BAISA) Kings ug ang LaserArt pagsugod sa All Cebu Ballers League basketball tournament  niadtong Domingo nga didto gipahigayon sa Lapu-Lapu City Gym.

Ang Baisa Kings ni coach Raul Austria miposas sa Kia Motors/Creatron Advertising sa iskor nga 85-81 sa pasiunang duwa, samtang ang Laser Art  miamong-among sa undermanned nga  Kidney Care sa iskor nga 106,96.

Ang Baisa Kings uban sa mainitong duwa ni Rino Berido milabaw og 10 puntos, 24-14 sa unang kuwarter. Hinuon, ang Kia Motors uban nilang Bong Eleazar ug Fritz Villamor nga nagtambayayong og mga puntos, nakahimo paglaslas sa labaw  ngadto na lang sa dos puntos sa halftime.

Pagsugod sa third quarter mikiat og balik si Berido uban nilang Roger Doblas ug Clifford Bargamento aron pagpatubo og balik sa ilang labaw ug pag-angkon sa daog gikan sa Kia Motors/Creatron Advertising.

Si Berido maoy labing dakung natampo og iskor sa maong kadaugan sa iyang 19 puntos, gisundan nilang Doblas miabuno og 17 puntos ug Bargamento nga mibugha og 16 puntos.

Sa main game,  wala makayano pagsakmit og daog sa ilang duwa batok sa Kidney Care bisan og kulang kini og mga players. Ang Kidney Care agresibo kaayo sa pagsugod ug makadaghan kini makalabaw atol sa maong duwa. Tungod kay kulangan og mga players wala makalahutay sa kusog ang Kidney Care hinungdan nga nailog sa Laser Art ang momentum ug mikontolar sa duwa  aron pagposte sa ilang unang kadaugan.

Si Jarjar Degamo kinsa  milansang og 24 puntos maoy nangulo Laser Art.

Sa laing bahin, ang PhilHealth, Sherilin Plastics, Bambi/Pipeline ug House of Hope moduwa ugma sa pagpadayon sa elimination round.

Puntos matag usa

Unang duwa:

Baisa Kings (85) -- Berido 19, Doblas 17, Bargamento 16, Anabieza 14, Iglamo 5, Castro 5, Sombrio 4, Sullano 4

Kia Motors (81) -- Villamor 23, Eleazar 19, Dy 10, S. Lim 9, D. Lim 7, Fabian 4.

Ikaduhang duwa:

LaserArt (106) - Degamo 24, Malig-on 19, Falcom 13, Soroño 12, Hall 10, Dalumpines 8, Pajares 8, Celocia 6, Baguio 3

Kidney Care (96) -- Villanueva 31, Cinco 18, Getubig 16, Labay 12, Navia 8, Limosnero 7, Gubaton 6, Gelig 4, Mulchandani 3.

vuukle comment

ANG BAISA KINGS

CREATRON ADVERTISING

KIA MOTORS

KIDNEY CARE

LASER ART

  • Latest
  • Trending
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with