Ginto ang bitbit ni Marites

NAKHON RATCHASIMA — Binalewala ang lahat ng tinik na daanan bilang solong lahok sa massed star ng kababaihan, pumedal ng gintong medalya si Baby Marites Bitbit sa women’s road cycling ng 24th Southeast Asian Games.

Matinding paghihiganti ang determinasyong makakuha ng ginto, bunga ng kabiguang mai-depensa ang titulo sa cross country, tinalo ni Bitbit ang may 19 riders sa bilis na tatlong oras, 28 minuto at 20 segundo sa 116.10km cycling event na ginanap sa Mittrahap Road na may 75 km ang layo mula dito sa Nakhon Ratchasima City.

At dahil sa apat na gintong medalya ngayon sa cycling-- kasama na ang kina Joey Barba sa men’s downhill ng mountain bike at  Alfie Catalan sa track’s men’s individual pursuit matagumpay na nalagpasan ng Team cycling Philippines ang kanilang produksiyon na 2 gold noong 2005 Manila SEA Games. (DMVillena)