CBM mipahiluna sa ikatulong dapit

Ang Cebu Blue Marlins (CBM) mitapos sa ilang kampanya sa 11th Negros Oriental Invitational Age-Group Swim Meet-Governor's Cup didto sa  Gov. Lorenzo G. Teves Memorial Aqua Center sa Dumaguete City pinaagi sa pagpahiluna sa ikatulo nga dapit sa overall human mihakot og 43 golds, 45 silvers ug 37 bronzes.

Bisan og nihit og mga tawo, si  CBM coach  Rolando Alvarez,  nakadawat og special award tungod sa pag-produce og  daghang bemedalled swimmers sa nagkalain-laing kategoriya.

Ang mga batos ni coach Alvarez nakadaginot  og  dugang 15 ka golds ingon man 29 ka silvers ang 15 ka bronzes sa ilang nahabiling mga gutlo sa miaging adlaw.

Si Anthony Linn Navarro, ang swimmer sa Cebu Eastern College apan niduwa ubos   sa CBM mikabkab og dugang duha ka bulawan sa 50M butterfly ug 50m freestyle. Si Josephus Rusiana mitunol og laing usa ka bulawan pinaagi sa pagdaog sa 100m butterfly ug si Noel Cañeda misakmit og duha ka bulawan sa 100m butterfly ug 50m freestyle.

Ang ubang mga swimmers nga mitunol og mga medalya  sa katapusang aksiyon mao sila si Paula Abigail Vega, Israel David ug Beth May Arellano nga pulos mikabkab og duha ka silvers, Robin Jacobsen, Arlette Baller ug  Trina Cañeda tagduha ka bronzes, Kaitlin Capacio usa ka  silver, Michael David Vega usa ka bronze ug usa usab ka silver ug Aimee Sanchez usa ka silver.

Ang University of Cebu (UC)-manned CBM mitapos sab sa ilang kampanya pinaagi pag-produce og duha ka Most Outstanding Athletes (MOA) ug upat ka most bemedalled swimmers.

Si Navarro napiling MOA sa developmental level human miposte og mikabkab og 8-2-1 medal tally sa boys' 10-under class. Si Cañeda sa UC mao sab ang nakadawat sa MOA alang sa juniors level human mihakot og siyam ka bulawan ug duha ka silvers sa boys; 15-17 dibisyon.

Sila si Navarro ug Cañeda nidaog sab isip most bemedalled swimmers sa ilang tagsa-tagsa ka dibisyon.

Ang igsuon ni Navarro nga si Lyhn Ann nanghawod sab sa girls' 7-8 bracket ug si Paula Abigael Vega sa UC maoy napilian isip best swimmer sa girls' 15-17 category ning maong kalihukan nga suportado sa Philippine Amateur Swimming Association (PASA).